Mahal kita, Alam mo yan

Eto na ang huli kong tula
na madalian kong ginawa
ilalahad huling laman ng akin dibdib
sa loob ng tuliro kong isip

Mahal kita alam mo yan
mula noon hanggang kailan
Ano bang nangyari sa atin dalawa
Bat parang tila nag sawa ka

Tamis ng pag ibig moy biglang pumait
Sa puso mo bay meron ng nka akit?
Sukdulan hanggang langit ang sakit
Sa bawat luwag ng iyong pagkapit

Limang taon at apat na buwan
Minahal kita ng sagad sagaran
Di ko alam bat ka nagka ganyan
ang labis ba, sayo pa ay kulang?

Taas kamay, isusuko ko na
Tibok ng puso, ititigil na
Sa sakit ng ulo, pasensya na
Huli na yan, wag kang mag alala

Mahal kita, alam mo yan
Hindi kita pinagsisihan
Mahal kita hanggang kamatayan
Salitang ngayon ko papatunayan